jueves, 6 de diciembre de 2012

martes, 27 de noviembre de 2012

EXCURSION Ó TEATRO E Ó CASTRO

O venres 23 fomos de excursión a Vigo todo o primeiro ciclo. Primeiro fomos ó teatro a ver os títeres de Tanxarina, que sempre fan con tanto gusto a agarimo. Despois aproveitamos para ir a merendar ó monte do Castro. Despois dun rato xogando, fomos a unha visita guiada do Castro. Vimos como eran as casas castrexas e as romanas. Como vivían, que comían...Foi unha visita intensa pero gustou moito. Aquí tedes unha mostra do noso día!

sábado, 24 de noviembre de 2012

DANZA AFRICANA

   No obradoiro de "danzas do mundo" que estamos a facer no cole, uníusenos unha nai, Mamer, a nai de Xan e Lira. Ela deunos unha clase preciosa de danza africana. Sudamos, bailamos e disfrutamos moito, cos distintos ritmos africanos e os seus movementos.

    Grazas por compartir con nos este día Mamer!! 
Aquí queda unha mostra do obradoiro.


                    danza africana from Maruxeira on Vimeo.

lunes, 17 de septiembre de 2012

PIZZIPEDIA

   Estou segura de que tod@s coñecedes ese programa que hai os sábados as 12 da mañá, na 2 de TVE, que achega os rapaces á música clásica. Efectivamente chámase  PIZZICATO . Nel sempre aparecen un montón de curiosidades musicais, rapaces tocando,etc...Na web deste programa teñen unha "enciclopedia musical" moi interesante á que lle chaman Pizzipedia
     Botade unha ollada, hai cousas ben interesantes...

                                                 PIZZIPEDIA

domingo, 16 de septiembre de 2012

Cancións da terra

Benvidos ó cole!!! Comenza o curso 2012- 2013 con cambios...este ano vou ser titora de primeiro de primaria, así que a miña actividade como profe de música vai quedar estancada polo menos durante un bo anaco. De todos os xeitos seguirei colgando curiosidades e traballos feitos cos rapaces, xa que este blog e algo mais que un blog de música. Mentres, para darvos a benvida e  ir abrindo boca, invítovos a que escoitedes esta cantiga en galego.                  Un saúdo a tod@s!!


martes, 24 de julio de 2012

TROMPAS ALPINAS


Estas vacacións estando eu por Padua, Italia, cadrou que habia un festival folclórico europeo. Dentre moitas cousas curiosas atopei unha que non adoitamos ver or aquí: son as trompas alpinas. Curioso instrumento e sonido. Así que gravei un pequeno vidio para que as podades escoitar. Espero que vos guste!

 
P1040588 from Maruxeira on Vimeo.

viernes, 6 de julio de 2012

EU FALAREI!

Que gusto da atopar traballos así...tan ben feitos e con tanto contido e compromiso! Comparto con vos este Lipdub feito polo alumnado e profesorado do IES de Chapela.Que o disfrutedes!

viernes, 29 de junio de 2012

VACACIÓNS DE VERÁN






A PESARES DOS RECORTES AOS QUE NOS SOMETE A XUNTA AOS INTERINOS E SUBSTITUTOS, FELICES VACACIÓNS A TOD@S!
 VOLTAMOS EN SETEMBRO!
(igual polo medio blogueamos un pouco... ;P)


jueves, 7 de junio de 2012

O CONTO DOS SILENCIOS

  Teño un amigo, que se chama Rodrigo Chao que é ilustrador de contos. É un oficio que a tod@s nos encanta pero supón moitas horas de traballo e pouco recoñecemento(persoal e económico). A verdade é que cando vamos a casa de Rodri e Montse é unha gozada ver os seus debuxos, como traballa co ordenador e todos os libros que leva ilustrado, un artista vamos...
   Este vidio é unha das súas obras, titúlase "O conto dos silencios" e para a nosa clase de música vennos ó pelo. Vamos a poñer música e sons a tres contos distintos, entre eles este.
Agardo que vos guste!

jueves, 24 de mayo de 2012

CORRELINGUA E PESDELÁN

   Durante este curso e dacordo con outros profes de música da comarca, comenzamos un proxecto que ó final variou pero que foi moi divertido e didáctico. Tratouse dunha invitación ao pracer de cantar e bailar o noso patrimonio cultural, así que inspirados polo libro-cd  que o grupo Pesdelán creou fai un par de anos titulado " Na punta do pé ", preparamos un repertorio de danzas propias da tradición galega e tamén da dos nosos curmáns os portugueses.
    Comenzamos xa fai ben tempo...dividimos as danzas según a súa complexidade e os nen@s de infantil e de 1º e 2º de primaria preparamos cinco danzas ó longo destes meses. Algunhas gustáronnos especialmente: o Garutiño, O camiño de Viseu, O vello mentireiro...

  

 





  





Para os rapaces e rapazas do segundo e terceiro ciclo de primaria reservamos danzas con máis dificultade, como  A cirigoça, O pingacho ou  unha Muiñeira...

  
  Despois dun longo ensaio, ocurriuselles os organizadores do Correlingua, que como sabedes é unha festa que se fai nos arredores do día das letras galegas para festexar a nosa lingua, xuntar éste co concerto didáctico do Grupo Pesdelán, así que, dobre festa!

  
    O 14 de Maio, sete grupos do centro marchamos a Moaña, onde se fetexaba o Correlingua para toda a comarca do Morrazo. 17 coles se uniron a nós nesta festa!






Alí fixemos unha pequena camiñata polo centro da vila ata o palco da música, mentres os mais pequenos de infantil agardaban por nós facendo distintos talleres plásticos e musicais.
 



    



   
   
  
 Despois comenzou o concerto e 1.500 rapaces e rapazas nos puxemos a bailar xuntiños todas esas danzas aprendidas ó longo do curso. Que ben o fixemos e que risas nos botamos! 


    Ata o ano próximo!

viernes, 18 de mayo de 2012

EU ESTUDIEI NA PÚBLICA

Hoxe toca unha de reivindicación e de concienciación: pola calidade e necesidade do ensino público!


Vin este vidio no blog "casa de tol@s"

lunes, 14 de mayo de 2012

CARAMELIÑOS MUSICAIS

Para comenzar a semana cun bo sabor de boca, aquí vos deixo un regaliño para os sentidos...Non se pode empezar mellor o día! Espero que vos guste!

martes, 8 de mayo de 2012

MAIOS

Maio longo... maio longo. Rosalía de Castro

Maio longo... maio longo,
todo cuberto de rosas,
para algús telas de morte;
para outros telas de vodas.
Maio longo, maio longo,

fuches curto para min:
veu contigo a miña dicha,
volveu contigo a fuxir.


Rosalía de Castro (1993), Follas Novas (Vigo: Galaxia)
Pincha no título para escoitar catro versión  musicais do poema

A festa dos maios é unha festa pagana que naceu ligada ao comenzo da primavera, á recolección da sembra, cando unha forza natural fai brotar as sementes e unha explosión de cores tingue os campos, despois dunha longa tempada de chuvias e frío.

Os maios máis tradicionais e característicos tiñan forma cónica, cunha estructura feita de varas e vimbios recubertos con fiuncho, hedras, espadanas, flores, laranxas, cintas, cascas de ovos, etc... Era transportado por un neno que ía no seu interior, e cantaba unha estrofa ou dicía un refrán que repetían os demais compoñentes do grupo dando voltas arredor do "maio". Hoxe en día, ademais da forma tradicional, constrúense "maios"artísticos que poden adoptar calquera forma: casas, carros, castelos, figuras humanas...

Os nenos de 4 anos do cole tamén aprenden a cantar coplas de maios...


Se pinchades na seguinte foto atoparemos un enlace a un blog chamado " Caracolatola" onde teñen un Lim interesante sobre os maios, onde poderemos aprender motas cousas sobre estas festas. 

Tamén neste slideshare veremos moita información sobre esta festa, as coplas, cancións e lugares onde máis se celebran: Pontevedra, Vilagarcia de Arousa, Ourense, Redondela...



Por agora, ben chega para ir tomando contacto con esta celebración tan de noso!


domingo, 6 de mayo de 2012

CELEBRANDO A LINGUA



 Cando ti volvas... Valentín Paz-Andrade

NA MATRICIAL GALIZA, SEMPRE TÚA,
que dend-a Torre d'Hercules ao Miño
un facho acenderá por cada illa,
cando ti volvas pol-o mare;
de toxo unha fogueira en cada monte,
cando ti volvas pol-o mare;
dos castros na coróa unha cachela,
cando ti volvas pol-o mare;
unha loura candea en cada pino,
cando ti volvas pol-o mare;
o seu cirio de frouma os alciprestes,
cando ti volvas pol-o mare;
luces de ardora branca en cada mastro,
cando ti volvas pol-o mare;
un farol mariñeiro en cada dorna,
cando ti volvas pol-o mare;
veliñas â xanela en cada casa,
cando ti volvas pol-o mare;
e as pérolas das bágoas derramadas,
cando ti volvas pol-o mare,
cando ti volvas pol-o mare...

Paz Andrade, Valentín (1955). Pranto matricial (Buenos Aires: Ediciones Galicia del Centro Gallego de Buenos Aires)
 
 Este ano 2012 o autor homenaxeado no día das letras galegas é Valentín Paz Andrade, reputado xornalista, poeta e en definitiva escritor. Na imaxe seguinte atoparemos información e enlaces moi interesantes  que recopilou "A web de Norberto" de traballos doutros centros. Tamén, como vedes na imaxe, hai Lims, algún vidio e xogos para aprendermos moito sobre Paz Andrade. Pincha na imaxe.
 




      Os recursos que podemos atopar aquí, son unha recopilación de páxinas, enlaces, webquest e información que "O recanto de Mik" fixo  sobre o autor homenaxeado, así que vamos a proveitar este fantástico traballo para mergullarnos no tema. Pincha na foto do autor!

sábado, 5 de mayo de 2012

DÍA DO LIBRO II

  Este ano no día do libro fixemos unha actividade ben bonita! Eu, que recorro coles, sei que é desas cousas que vas a exportar(si te deixan, claro). 
   O 23 de abril na hora de ler, despois do recreo, os rapaces e rapazas de 3º a 6º de primaria fixeron de "irmán maior" e foron buscar un nen@ de infantil ou 1º ciclo. Atoparon o seu recuncho polo centro e contáronlle un conto. Os pequechos agradecidos dábanlle os seus contacontos un pegatina de Buli, a mascota da biblioteca.
 Daba gusto velos mergullados na lectura e responsables dos pequenos! Gustoume moito! Noraboa ó centro pola iniciativa!


DIA DO LIBRO.DEF - presentacion imagenes


Por certo, aproveitar  para deixar o enlace do blog da bilioteca do cole, chámase "A morada de Buli", se pinchas na mascota podes acceder a el e ver as novidades...

martes, 1 de mayo de 2012

Premio entre bloggers, que guay!

  Hoxe recibín un regalo que me fixo moita ilusión e me emocionou ainda mais, sobre todo porque sei co agarimo con que o mandan. Moitísimas grazas Aniña por animarme sempre e valorarme!


   Explicoo...pois resulta que os bloggeiros elixen 5 dos seus blogs favoritos e mándalles un premio, así que se alguén te quere ben e te valora tes que seguir a cadea. As intruccións son as seguintes:
  • Copiar e pegar o premio no blog enlazándoo co blogger que cho otorgou.
  • Premiar os teus cinco blogs favoritos coa condición de que teñan menos de douscentos seguidores e deixarlles un comentario nas súas entradas para notificarlles que gañaron o premio.
  • Confiar en que continúen a cadea premiando a sua vez os seus cinco blogs preferidos.                  
   Ahí van os meus elexidos:                                
  • Anaquiños e xoaniñas : da miña querida amiga "mestraprimaria" ou Aniña, da que sempre aprendo tanto
  •  O recanto de Mik:  do que recollo tantos e tantos recursos. Marabilloso blog de biblioteca, e mais...
  • As cousas da clase : blog de aula da miña compañeira Geni, que fai un traballo bloggeiro e pedagóxico impresionante
  • Mi música en el cole:  a quen sigo con grande admiración
  • Ceip Vicente Risco:  non me podo esquecer de Duli, a profe de música dese cole, que me ensinou a facer blogs e moitas cousas mais.
Quedan moitos os que me gustaría agradecer a vosa dedicación, xenerosidade e a pedagoxía que facedes. Espero poder seguir dando mais premios...Grazas a todos!

miércoles, 25 de abril de 2012

Revolución dos caraveis

Hoxe 25 de abril celébrase o aniversario da revolución dos caraveis en Portugal. Foi un momento histórico na que cun xesto tan fermoso como pacífico o exercito decidiu poñerse de parte do pobo poñendo un caravel nos seus rifles, escopetas e tanques. Daba fin neste día a unha durísima, sanguinaria e inxusta dictadura.
   Tomouse como himno deste acontecemento esta canción de José Afonso, un cantautor importantísimo portugués. Titúlase "Grândola, Vila Morena".
Esta , coma outras, son desas cancións que pasaron a historia e que resumen o que somos

lunes, 23 de abril de 2012

APAGA A TELE E PRENDE UN LIBRO

Hoxe, 23 de abril celebramos o día do libro. Esta é unha das publicidades que facían no programa infantil dos 80 "La bola de cristal", en referencia a lectura...bo non?


Tamén queda nesta entrada un conto e unha actividade lim para celebrar este día que tanto nos gusta a todos(recollido na casa de tol@s). Bo día dos que leen! Pinchade  AQUI

 E ahí vai outro contiño de regalo

  


Moi interesante este enlace onde podedes escoitar, ler, descargar e facer un montón de actividades en compañía de Don Quixote e todos os personaxes deste gran libro 




Nota: Esta canción é para os de 6º para que se vaian inspirando nesa coreografía...ánimo!


sábado, 7 de abril de 2012

MÚSICA MEDIEVAL


   En relación ó que os alumnos/as de 5º están a estudiar en Coñecemento do medio, imos a mergullarnos na Edade Media e en particular na música nese período da historia; a música medieval.
   Nesta primeira actividade, relizada polo blog de música "baquetas alocadas", hai unha serie de audicións tanto de música relixiosa como profana que poderemos escoitar para ir entrando en materia...

   Nesta outra páxina coñeceremos a historioa da música nesta época, instrumentos que se tocaban, características da música relixiosa, da música profana as primeiras polifonías, as cantigas e todo o que nos interese saber sobre a música no medievo


  Tamén está moi ben resumido neste traballo, a diferenza entre xuglares e trovadores, así como as cantigas de amigo e de Santa María, moi relacionadas coa nosa terra, e os intrumentos utilizados...

       Mais cousiñas en breve...

miércoles, 21 de marzo de 2012

DEBULLANDO POEMAS

Hoxe celebramos o día da poesía e na clase de música imos aproveitar para ler, cantar e musicar versos...E buscando e buscando para traballar esta xornada atopei esta actividade tan chula no blog de "Mi música en el cole" onde se conta e cantan poemas de Gloria Fuertes. Imos aló!

domingo, 18 de marzo de 2012

EXCURSIÓN E TEATRO

Fai uns días fomos de excursión a Vigo. Os rapaces e rapazas de 1º e 2º de primaria saimos ben de mañá e primeiro fomos a Castrelos a visitar os xardíns do pazo e a merendar no parque. Logo fomos ver "A pantasma do palco" unha obra de teatro e música. E o rematar, de volta para Coiro! Ahí tedes as imaxes

domingo, 11 de marzo de 2012

A BAILAR!!!

Os nenos e nenas de 3 anos A e B cantaron e bailaron a canción de Mamá Cabra "Eu son un artista" e para que vexades o artistas que son aquí deixo este vidio.Que vos guste!



domingo, 4 de marzo de 2012

MULLERES, HISTORIA,IGUALDADE!

En nada xa estamos no 8 de marzo o día no que celebramos a igualdade de xénero. Para ir traballando este tema imos ver un contiño moi interesante titulado " El príncipe ceniciento" a ver que vos parece...


Tamén podedes visitar esta webquest que trata sobre mulleres galegas escritoras, científicas,  matemáticas, empresaria, leiteiras...unha escolma de mulleres que fixeron camiño nesta loita constante cara a igualdade.

lunes, 13 de febrero de 2012

TRABALLO PARA 6º

    A música e a publicidade...Ahí vai o traballo de investigación para 6º. Toda a información está nas asignacións do edmodo e na foto seguinte.
    RECORDADE! A data de entrega é para o 26 de febreiro, despois do entroido. Moitos ánimos e a investigar!

  

viernes, 10 de febrero de 2012

ENTROIDO 2012

Ben, xa se vai achegando o entroido e moitos xa estamos argallando nos disfraces, as coplas e na festa que vamos a montar no cole ese día...Para axudar e dar ideas colgo nesta páxina uns cantos recursos, máscaras, debuxos, actividades, lim... recollidos estupendamente por "casa de tol@s". Pinchade na foto!

   Mais cousiñas en breve...

Aquí deixo algunhas das fotos que fixemos neste entroido Farroupeiro de  Cangas. Moito chorona había! Pinchade AQUÍ

 

martes, 7 de febrero de 2012

LIPDUB DO DÍA DA PAZ

Ó fin xa temos o vidio!!!! Despois de ensaios, de aprender a canción, de facer pombas e flores, despois de todo o traballo do cole, aquí temos rematado o lipdub que fixemos para o día da paz! Grazas a tod@s polo voso esforzo! Que vos guste!



Tamén está o "making of" , como se fixo este traballo tan colaborativo e divertido. Moitas grazas de novo a tod@s pola vosa axuda e participación. Ahí vai...

domingo, 29 de enero de 2012

MÚSICA ALEATORIA

Os rapaces e rapazas de 5º comenzamos un traballo de investigación que levarán a cabo a través do programa abalar. O que teñen que facer é buscar información sobre que é a música aleatoria: definición, características, información variada,autores destacados, que,como, cando... Logo terán que seleccionar un par de pezas a través de youtube dándolle a compartir e copiando o suliñado na foto, así crearemos un enlace directo a peza seleccionada. Tamén farán unha captura de pantalla  como a feita aquí mesmo. A través do edmodo mandaredes os vosos traballos, co nome e curso. A lonxitude máxima son dous folios.


miércoles, 18 de enero de 2012

PREPARÁNDOSE PARA O DÍA DA PAZ

 Ben, se achega o día da paz e xa estamos todos empezando a preparar o noso proxecto especial...De momento hai que ir aprendendo a canción  e preparando o que nos toca facer...



Para mais recursos e actividades para traballar o día da paz pinchade AQUÍ 

Este Lim tan bonito está recollido do blog "Casa de tolos", e ademais de contarnos unha fermosisima historia, tamén achega actividades para traballar e coñecer a vida de Wangari.










  Nota: Por certo os rapaces de 6º do cole Castrillón de Coiro, teñen este blog tan currado, sí señor! Entrade nesta Odisea

martes, 10 de enero de 2012

A MÚSICA EMOCIONA!

Este que achego é un exemplo de como nos segue a sorprender e marabillar a música. Nunha estación de metro de Copenhague fórmase por arte de maxia un concerto. Ahí vai este regaliño de Reis!

Related Posts Plugin for WordPress, Blogger...